Ny asabotsy 20 novambra teo no famaranana ny Mister International. Izay fifaninana lehibe eo amin'ny hatsaran-tarehin'ny tovolahy. Firenena 44 no nandefa solotena, ary anisan'izany, araky ny efa fantatsika i Lova. Nandritry ny famaranana dia nisy ny fisehoana teo amin'ny akanjo nentim-paharazana, na dia efa nisy aza fampisehoana an'io akanjo io nandritry ny lanonana iray hafa teo aloha (sary). Nisy ihany koa ny filatroana teo amin'ny akanjo fetina amoron-dranomasina, ary farany dia ny akanjo mihaja. Lanonam-be tao amin'ny Central Park, ao Jakarta no nanaovana ny famaranana ny fifaninana. Mpitsara tsy latsaky ny folo avy amin'izao tontolo izao no nitsara ireto tovolahy. Nivoaka ho mpandresy tamin'izany i Ryan Terry, izay Mister Great Britain. Plombier no asany, 22 taona izy, 1m75 ary tia milalao golf sy baolina kitra. Manaraka azy akaiky tao, na premier dauphin i Mister Bresil, izay hisolo ny tompon'anarana izany raha misy tsy fahafahan'ilay anglisy. Deuxieme dauphin kosa i Mister Espagne, manaraka azy Mister Indonesia, ary faha-dimy, na quatrième dauphin i Mister Greece. Hatreo no filaharana azo fa tsy fantatra mazava ny laharana izay nisy ireo tovolahy sisa, sy ny an'i Madagasikara. Nahafinaritra ny dia hoy i Lova, nony tafaverina teto an-toerana izy. "Betsaka ny tsy nahafantatra an'i Madagasikara ary gaga nahita ahy tany hoe hay ve ohatr'izao zany Malagasy izany". Maro ihany ko any traikefa voarainy tany, ary dia irariana ny itohizan'ny fandraisan'anjaran'ny malagasy amin'ity fifaninana ity.

Galerie d'images: