Tafiditra ao anatin'ny hetsika ataon'ny faribolana Sadratra ny Alarobia 08 septambra manomboka amin'ny 03 ora tolakandro etsy amin'ny CGM Analakely ny "Tanila" nosoratan'i Tolotra Arinandriana. Tononkalo 22 avy amin'ireo 100 voarakitra ao anatin'ny boky no hatolotra. Boky voalohany an'i Tolotra ary ho velomin'i Tolotra, Liantsoa, Tahirintsoa, Noro, Meva. Ho voaravaka kolontsaina izay seho mpitranga any amin'ny fiarahamonina, ny fitiavana, vehivavy ary ny zavatra maro hafa.

Faritra iray atao hoe Mishima sy Susono no iharan'ny fanafihana karazana Rajako mahery fihetsika, mandrangotra sy manaikitra ny mponina. Efa nandefa taratasy fitarainana any amin'ny tompon'andraikitry ny fiarovana ny tontolo iainana ireo mponina noho izany, ary efa mandray andraikitra ity farany. Tsy miandry izany anefa ireto mponina satria dia izy ireo ihany no manenjika ka mamono mahafaty ireto biby, tao anatin'ny folo andro izao dia, olona maherin'ny 60 no efa niharan'ny kaikitr'ireo biby ka nanao ny fitarainany.

Somary sarotsarotra iany ny fanomanana hoy ity renim-pianankaviana iray tafaresaka taminay. Tsy maintsy ampidirina mianatra anefa ny ankizy ary tsy manome tsiny ireo tsy afaka mampiditra ny zanany mianatra intsony noho ny fahalafosan'ny vidim-piainana amin'izao fotoana. Raha ny momba ny sarampianarana dia nisy fitomboana 15% eo amin'ny sekoly katolika, raha any amin'ny sekolim-panjakana ambaratonga voalohany indray dia mila manomana Ar 25.000 eo ny fisoratana anarana. Etsy andanin'izany ny fitaovan'ny mpianatra .

Andro aman'alina mihintsy ny fomba fiasa ao amin'ny Kaominina Antananarivo renivohitra amin'izao fotoana, nanomboka ny faha 06 volana aogositra teo dia manara-maso ireo toera-mpivarotana zava-pisotro manodidina ny tanana Analakely izay mbola tsy mihidy amin'ny 09 ora alina dia hiaran'ny sazy.